हेटौंडाः मकवानपुर क्रिकेट संघले यु–१९ बागमती छनौट खेलको लागि १४ जना खेलाडीको नाम सार्वजनिक गर्दै आज खेलाडीलाई बिदाइ गरेको छ ।
आइतबारदेखि भएको बन्द प्रशिक्षणमा रहेको १८ जना खेलाडीबाट १४ जना खेलाडीको नाम आज शुक्रबार मकवानपुर क्रिकेट संघले सार्वजनिक गरेको हो ।
१४ सदस्यीय टिममा सक्षम बस्ताकोटी (कप्तान), गोकुल अधिकारी, आस्तिक दाहाल, सुमित कंडेल, दिपन बानियाँ, प्रमोद पौडेल, आशिश पोखरेल, सिद्धान्त पुरि, गौरव श्रेष्ठ, अह्मद राजा, सन्तोष दास, कृष्ण यादव, प्रंजल उपाध्याय र सुजन न्यौपाने चयन भएका छन् । यस्तै, वैकल्पिक खेलाडीहरुमा आयुष यादव, सुरज यादव, देवराज बर्तौला र अजल मानन्धर रहेका छन् । जसमा प्रशिक्षकको भुमिका राम नरेश गिरि र व्यवस्थापक सुमन सुनारले गर्ने जनाईएको छ।
त्यस्तै खेलाडीहरुलाइ मकवानपुर क्रिकेट संघको अध्यक्ष बासु लाल श्रेष्ठ, मकवानपुर जिल्ला खेलकुद विकासको समितिको अध्यक्ष भेष खड्गी, बागमती प्रदेश क्रिकेट संघका उपाध्यक्ष प्रेम क्षेत्री, र मार्शल खेलाडी रोशिक श्रेष्ठले बिदाइ गर्नुभएको हो । छनौट भएको जिल्लास्तरीय टिमले कात्तिक २७ गतेबाट काठमाडौंको मुलपानी क्रिकेट रंगशालामा बागमती प्रदेशस्तरीय प्रतियोगितामा सहभागी हुने मकवानपुर क्रिकेट संघको कार्यवाहक सचिव बिनोद कुमार बानियाँले जानकारी दिनुभएको छ ।
