हेटौंडाः धरान–चतरा सडकखण्डअन्तर्गत हेटौंडा–१८, रामधुनीमा पैदलयात्री विनोद रम्तेललाई ठक्कर दिने मोटरसाइकल र मोटरसाइकल चालकलाई प्रहरीले पक्राउ गरेको छ । मंगलबार साँझ साढे ६ बजेको समयमा मोटरसाइकलको ठक्करबाट गम्भीर घाइते भएका ३५ वर्षीय विनोद रम्तेलको उपचारको क्रममा मंगलबार साँझे साढे ७ बजे मृत्यु भएको प्रहरीले जनाएको छ ।
रम्तेललाई ठक्कर दिने बा ५८ प ५६५४ नम्बरको मोटरसाइकल र चालक बकैया गाउँपालिका–४ का २७ वर्षीय राज गदाललाई पक्राउ गरिएको बागमती प्रदेश प्रहरी कार्यालय हेटौंडाले जनाएको छ । जिल्ला प्रहरी कार्यालय मकवानपुरका प्रहरी प्रवक्ता प्रहरी नायव उपरीक्षक टेकबहादुर कार्कीले भने ठक्कर दिने चालकको विवरण सार्वजनिक नगरिएको जानकारी दिनुभयो ।
