हेटौंडाः पूर्वी मकवानपुरको बकैया गाउँपालिका वडा नम्बर ७ मा वडास्तरीय फुटबल प्रतियोगिता हुने भएको छ । खेल असोज ८ गतेदेखि १५ गतेसम्म सञ्चालन हुने आयोजकले जानकारी दिएको छ ।
नेपालीहरुको महान् पर्व विजया दशमीको अवसर पारेर बकैया–७, भिरकोट खेल मैदानमा खेल हुनेछ । वडास्तरीय पुरुष नकआउट फुटबल प्रतियोगिता सञ्चालन गर्न लागेको आयोजकले जनाएको छ । प्रतियोगितामा सहभागिताका लागि असोज ६ गतेभित्र आफ्नो टिम दर्ता गर्नुपर्ने र टिम दर्ताका लागि ४ हजार दर्ता शुल्क लाग्ने जानकारी दिइएको छ ।
प्रतियोगितामा विजेताले नगद ५० हजार र उपविजेताले नगद २५ हजारसहित शिल्ड, मेडल तथा प्रमाणपत्र प्राप्त गर्ने आयोजक समितिले बताएको छ । प्रतियोगितामा उत्कृष्ट खेलाडीलाई उचित पुरस्कारको समेत व्यवस्था गरेको आयोजक खेलकुद विकास समितिले जनाएको छ ।
