हेटौंडाः अन्तर्राष्ट्रिय साक्षरता दिवसको अवसरमा हेटौंडा–४ स्थित श्रमिक माविमा विविध कार्यक्रमको आयोजना गरिएको छ । १ कक्षादेखि १० कक्षासम्म सबै विद्यार्थी सहभागी गराउने गरी कार्यक्रम आयोजना गरिएको विद्यालयका प्रधानाध्यापक श्रीराम दाहालले जानकारी दिनुभयो ।
कक्षा १ देखि कक्षा ३ सम्मका विद्यार्थीका लागि छिटो लेखन कला प्रतियोगिता, ४ र ५ कक्षाका विद्यार्थी बीच अंग्रेजी उच्चारण प्रतियोगिता आयोजना गरिएको थियो भने कक्षा ६ देखि कक्षा ८ सम्मका विद्यार्थीका बीच गणित दौड प्रतियोगिता, कक्षा ९ र १० का विद्यार्थीबीच पनि गणित दौड प्रतियोगिता आयोजना गरिएको प्रधानाध्यापक दाहालले जानकारी दिनुभयो । प्रतियोगितामा प्रथम, द्वितीय र तृतीय स्थान हासिल गर्ने विद्यार्थीलाई पुरस्कृत गरिएको छ ।
