हेटौंडाः मकवानपुर रग्बी संघ र चितवन रग्बी संघबीच मैत्रीपुर्ण रग्बी खेल आज शनिबार हेटौंडामा सुरु भएको छ । मकवानपुर रग्बी संघको आयोजनामा हेटौंडा–५ स्थित पिप्ले क्याम्पा रंगशालामा भइरहेको खेलमा अहिले पुरुषतर्फका रग्बी टिमले प्रतिस्पर्धा गरिहेका छन् ।
पुरुष टिमको खेल सकिएपछि महिलातर्फको खेल सुरु हुनेछ । मकवानपुरमा पहिलो पटक रग्बी खेल आयोजना भएको हो । मकवानपुर रग्बी संघका अध्यक्ष लिला कुमार घलानको अध्यक्षता तथा जिल्ला समन्वय समिति मकवानपुर प्रमुख ललित घलानको प्रमुख आतिथ्यतामा खेलको उद्घाटन कार्यक्रम भएको हो । कार्यक्रममा जिल्ला खेलकुद विकास समिति मकवानपुरका अध्यक्ष वेश खड्गी, हेटौंडा–५ का वडाध्यक्ष सुशील घिमिरे र हेटौंडा–१ का वडाध्यक्ष सविन न्यौपानेको आतिथ्यता रहेको थियो ।
