हेटौंडाः शुक्रबार शोभायात्रा गरेर कृष्ण जन्माष्टमी मनाइएको छ । श्रीकृष्ण प्रणामी सेवा समिति नेपाल जिल्ला कार्यसमिति मकवानपुरले हेटौंडा बजार क्षेत्रमा शोभायात्रा निकालेर कृष्ण जन्माष्टमी मनाएको हो ।
जिल्ला अध्यक्ष केदार प्रसाद चौलागाईंको अध्यक्षतामा कार्यक्रम भएको थियो । यसैगरी अखण्ड हरिकीर्तन मन्दिरले पनि कृष्ण जन्माष्टमी मनाएको छ । २४ घण्टे आरती, पुजा र भजन गरेर जन्म उत्सवमा मनाएको हो । यस्तै शनिबार कृष्ण जन्मेको खुसीयालीमा शोभा यात्रा निकालिएको छ ।
