हेटौंडाः मकवानपुरमा ट्रकको ठक्करबाट एकजनाको मृत्यु भएको छ । पूर्वपश्चिम राजमार्गअन्तर्गत हेटौंडा–३ बसामाडीमा शुक्रबार साँझ ना ७ ख ६६१ नम्बरको ट्रकले पैदलयात्रीलाई ठक्कर दिँदा पैदलयात्रीको घटनास्थलमै मृत्यु भएको प्रहरीले जनाएको छ ।
मृतकको पहिचान खुलेको छैन । शवलाई पोष्टमार्टमका लागि हेटौंडा अस्पताल ल्याउने तयारी भइरहेको प्रहरीले जनाएको छ । ट्रक र चालक प्रहरीको नियन्त्रणमा रहेको प्रहरीले जानकारी दिएको छ ।
