हेटौंडाः हेटौंडा उपमहानगरपालिका स्तरीय स्काउट गाँठो तथा “स्काउट शिक्षा किन” भन्ने विषयमा सोमबार हेटौंडामा निबन्ध प्रतियोगिता भएको छ। हेटौंडा उपमहानगरपालिका तथा हेटौंडा उपमहानगरपालिका स्काउट तदर्थ समितिको आयोजनामा भएको प्रतियोगिताको निबन्ध तर्फ भूमिका दाहाल र गाँठो तर्फ रान्जिला गोले प्रथम भएका छन् ।
निबन्ध प्रतियोगितामा हिरा कुमार गिरी द्वितीय, रोशन ढकाल तृतीय र प्रिती केसरी सान्त्वना भएका छन् । त्यसैगरी, गाँठोमा सचिन्द्र यादव द्वितीय, सौगात तिमल्सिना तृतीय र अर्जुन ठाकुर सान्त्वना हुन सफल भएका छन् । निबन्ध र गाँठो प्रतियोगितामा प्रथम, द्वितीय, तृतीय र सान्त्वना हुनेहरुलाई क्रमशः ५ हजार, ४ हजार, ३ हजार र २ हजार रुपैयाँ राशिसहित पुरस्कृत गरिएको छ ।
निबन्धमा मनोज पोखरेल, अशोक सारु मगर र उमेश पुरीले निर्णायक भूमिका निर्वाह गरेका थिए । हेटौंडा उपमहानगरपालिका स्काउट तदर्थ समितिको संयोजक दिपेन्द्र रोक्काको सभाध्यक्षता तथा प्रदेश युवा परिषद्का कार्यकारी उपाध्यक्ष सन्तोष चौलागाईको प्रमुख आतिथ्यतामा भएको प्रतियोगितामा नेपाल स्काउट बागमती प्रदेशका सदस्य महेन्द्र राना मगर, स्काउटर तथा लिडर अनिल आचार्य लगायतको उपस्थिति रहेको थियो ।
