हेटौंडाः कोरोना भाइरस (कोभिड–१९) का लक्षणसँग मेल खाने स्वास्थ्य समस्या भएका दुईजना हेटौंडा क्वारेन्टाइनमा राखिएका छन् । हेटौंडा–४, कर्रास्थित श्रमिक माविमा तयार पारिएको आइसोलेसन कक्षमा एकजनालाई राखिएको छ भने अर्का एक व्यक्ति आफैं चिकित्सक भएकोले उनी घरमै आइसोलेसनमा बसेको हेटौंडा उपमहानगरपालिकाका स्वास्थ्य उपप्रमुख भोला चौलागाईले जानकारी दिनुभयो । उनीहरुको स्वाब (घाँटीको र्याल) परीक्षणका लागि काठमाडौं पठाइएको पनि चौलागाईले जानकारी दिनुभएको छ । स्वाब परीक्षणका लागि एम्बुलेन्समा काठमाडौं पठाइएको हो । कोरोनाको लक्षण आशंका गरिएका दुबैजना पुरुष भएको हेटौंडा अस्पतालका प्रमुख डा. प्रविण श्रेष्ठले बताउनुभयो ।
