हेटौंडाः नेकपा माओवादी निकट योङ कम्युनिष्ट लिग नेपाल (वाइसीएल) बागमती गाउँपालिका वडा नम्बर ६ को अध्यक्षमा राजु स्याङ्तान चयन हुनुभएको छ । शनिबार भएको सम्मेलनले स्याङ्तानलाई अध्यक्षमा चयन गरेको हो ।
सम्मेलनले स्याङ्तानको अध्यक्षतामा ३२ जनाको वडा कमिटी गठन गरेको छ । सम्मेलनले उपाध्यक्षमा हस्त लोप्चन, सचीवमा अबिरल वाईबा, सह–सचीवमा ईन्द्रबहादुर लोप्चन र मिलन राई र कोषाध्यक्षमा संगिता थापालाई चयन गरिएको छ । सम्मेलनमा बोल्नुहुँदैन वाइसीएल बागमती गाउँपालिका कमिटीका अध्यक्ष मुक्ति लामाले अहिले व्यवस्था बद्लेको र अब जनताको अवस्था बदल्न माओवादीले जित्नुपर्ने बताउनुभयो । आसन्न स्थानीय तहको निर्वाचनका लागि वाइसीएल कमिटीको ठूलो भुमिका हुने उहाँले बताउनुभयो । अहिले पालिकाको सबै वडामा वाइसीएल कमिटी गठन भइसकेको उहाँले बताउनुभयो ।
सम्मेलनमा नेकपा माओवादी केन्द्र जिल्ला सदस्य बिमल थिङ, बागमती गाउँपालिका कमिटीका अध्यक्ष अरुण बल, उपाध्यक्ष धुर्ब थापा लगायत वाइसीएल कमिटीका पदाधिकारीहरुको उपस्थित रहेको थियो ।
