हेटौंडाः करेन्ट लागेर एकजनाको मृत्यु भएकोे छ । मृत्यु हुनेमा हेटौंडा–१३ पदमपोखरीका अन्दाजी ३५ बर्षीय सहदेव गोले रहेको जिल्ला प्रहरी कार्यालय मकवानपुरले जनाएको छ ।
गोलेको आफ्नै वर्कसपमा मोटरसाइकल धुने क्रममा आइतबार बिहान ९ बजेर ५५ मिनेटको समयमा विद्युत सर्ट भएर करेन्ट लागेको प्रहरीले जनाएको छ । गोलेलाई उपाचारका लागि हेटौंडा अस्पतालमा लगिएको थियो । उपचारको क्रममा बिहान १० बजेर २१ मिनेटको समयमा अस्पतालका चिकित्सकले गोलेलाई मृत्य घोषणा गरेको प्रहरीले जनाएको छ ।
