हेटौंडाः हेटौंडा मेयर कप रेपिड (छिटो) बुद्धिचाल प्रतियोगिता २०७८ को आज फाइनल हुँदैछ । नेपाल खेलकुद महासंघ र बागमती प्रदेश बुद्धिचाल संघको आयोजनामा प्रतियोगिता सुरु भएको हो । प्रतियोगितामा देशभरबाट ५४ जना खेलाडी सहभागी छन् ।
प्रतियोगितामा प्रथम हुनेले नगद ५० हजार रुपैयाँ, द्वितीयले २५ हजार रुपैयाँ, तृतीयले १५ हजार रुपैयाँ प्राप्त गर्नेछन् । यस्तै चौँथौ र पाँचौलाई १० हजार, छैठौँदेखि दशौँलाई ७ हजार र एघारौँदेखि पन्ध्रौं हुनेलाई ५ हजार रुपैयाँ प्रदान गरिने जनाइएको छ । यस्तै, उत्कृष्ट ५० वर्ष माथिकोलाई ५ हजार, उत्कृष्ट अनरेटरलाई ५ हजार, उत्कृष्ट महिलालाई ५ हजार रुपैयाँ प्रदान गरिने जनाइएको छ ।
