हेटौंडाः प्रथम बागमती प्रदेश खेलकुद प्रतियोगता अन्तर्गत महिला फुटबलमा सिन्धुलीलाई हराउँदै मकवानपुर फाइनल प्रवेश गरेको छ । काभ्रेको धुलिखेल नगरपालिकामा आज भएको खेलमा मकवानपुरले सिन्धुलीलाई ३–१ गोलअन्तरले हराएको हो ।
मकवानपुरको जीतमा पुजा लामाले २ गोल तथा सञ्जिता बोम्जनले १ गोल गरे । लामा म्याच अफ द म्याच घोषित भइन् । मकवानपुरले अब फाइनलमा भोलि शनिबार धादिङसँग खेल्ने मकवानपुर महिला फुटबल टिमका अध्यक्ष भीम लामाले जानकारी दिनुभयो ।
