हेटौंडाः प्रथम बागमती खेलकुद प्रतियोगिता अन्तर्गत ललितपुर फाइनलमा प्रवेश गरेको छ । हेटौंडा–५ स्थित पिप्ले क्याम्पा रंगशालामा आज भएको पहिलो सेमिफाइनल खेलमा धादिङलाई ट्राइब्रेकरमा ५–३ गोल अन्तरले हराउँदै ललितपुर फाइनल प्रवेश गरेको हो ।
निर्धारित खेल समय २–२ गोलको बराबरीपछि खेल ट्राइब्रेकरमा धकेलिएको थियो । आजको जितसँगै ललितपुर फाइनल प्रवेश गर्ने पहिलो जिल्ला बनेको छ । अब ललितपुरले अब आइतबार फाइनल खेलमा दोस्रो सेमिफाइनल खेलका विजेतासँग खेल्नेछ ।
दोस्रो सेमिफाइनल खेलमा अहिले मकवानपुर र दोलखा खेल्दैछ । दुवै टोली जित निकाल्ने योजनासहित मैदान उत्रेका छ्न् ।
