हेटौंडाः प्रथम बागमती प्रदेश खेलकुद प्रतियोगिता अन्तर्गत आज भएको फुटबल प्रतियोगितामा काभ्रेपलान्चोकलाई हराउँदै धादिङ सेमिफाइनलमा प्रवेश गरेको छ । हेटौंडा-५ स्थित पिप्ले क्याम्पा रंगशालामा भएको पहिलो खेलमा काभ्रेपलान्चोकलाई १-० गोलले हराउँदै धादिङ सेमिफाइनलमा प्रवेश गरेको हो ।
धादिङको जितमा विपिन कंडेलले निर्णायक गोल गरे । कंडेल म्यान अफ द म्याच घोषित भए । धादिङले अब सेमिफाइनलमा शुक्रबार ललितपुर र रामेछाप बिचको विजेतासँग खेल्नेछ । हारसँगै काभ्रेपलान्चोक प्रतियोगिताबाट बाहिरिएको छ ।
यस्तै आजको दोस्रो खेलमा मकवानपुर र सिन्धुली भिड्दैँछन् । आज दुबै टोलि पहिलो जित निकाल्ने योजनासहित मैदान उत्रेका छन्।
