हेटौंडाः ११२ औं अन्तर्राष्ट्रिय महिला दिवसको अवसरमा हेटौंडामा शुभकामना आदानप्रदान कार्यक्रम भएको छ । नेपाल पत्रकार महासंघ मकवानपुरको आयोजनामा महिला दिवसको अवसरमा शुभकामना आदानप्रदानसँगै चियापान कार्यक्रम भएको हो ।
नेपाल पत्रकार महासंघ बागमती प्रदेश उपाध्यक्ष नानीमैया कार्की (सम्झना)को प्रमुख आतिथ्यता तथा जिल्ला अध्यक्ष मणिराज गौतमको अध्यक्षतामा कार्यक्रम भएको थियो । कार्यक्रममा प्रदेश उपाध्यक्ष रुपेश दुलाल, प्रदेश महासचिव कृष्ण सारु मगर, पूर्व जिल्ला अध्यक्ष भानुभक्त आचार्य, निवर्तमान जिल्ला अध्यक्ष हरि हुमागाईं, सल्लाहकार बालकृष्ण अधिकारीलगायत मकवानपुरका सञ्चारकर्मीहरुको उपस्थिति रहेको थियो ।
