हेटौंडाः अवैध लागुऔषधसहित दुइजनालाई मकवानपुर प्रहरीले पक्राउ गरेको छ । पक्राउ पर्नेमा बा ४० प ६४७८ नम्बरको मोटरसाईकल चालक पर्सा जिल्लाको वीरगंज महानगरपालिका–९ का ४२ वर्षीय ईश्वर बहादुर उदास र मोटरसाइकलमा सवार सोही ठाउँका २४ वर्षीय सन्दिप कुमार श्रेष्ठ रहेको जिल्ला प्रहरी कार्यालय मकवानपुरले जनाएको छ ।
आइतबार राति ११ बजेर ३० मिनेटको समयमा ईलाका प्रहरी कार्यालय पशुपतिनगरबाट खटिएको प्रहरी टोलीले हेटौंडा–१५ रातोमाटेमा सुरक्षाजाँच गर्ने क्रममा वीरगंजबाट हेटौंडातर्फ आउँदै गरेका उदास र श्रेष्ठलाई लागुऔषधसहित पक्राउ गरेको हो । प्रहरीले उनीहरुको साथबाट लागुऔषध नाईट्राभेट ३ सय ट्याब्लेट, नुर्फिम ५३ एम्पुल, डाईजेपाम ५० एम्पुल, फेनारगन ५६ एम्पुल फेला परेको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिनुभयो । पक्राउ परेका दुवैजनालाई जिल्ला अदालत मकवानपुरबाट १८ दिन म्याद लिई थप अनुसन्धान कार्य भइरहेको प्रवक्ता रिमालले बताउनुभयो ।
