हेटौंडाः मकवानपुर क्रिकेट एकेडेमी सञ्चालनमा आउने भएको छ । मकवानपुर क्रिकेट संघले सञ्चालन गरिरहेका संघको मकवानपुर क्रिकेट संघका प्रशिक्षक तथा पुर्व राष्ट्रिय खेलाडी समेत रहनुभएका रविन गुरुङले सञ्चालन गर्नुहुने भएको छ ।
एकेडेमी सञ्चालनका लागि अहिले खेलाडीहरु भर्ना गराउने तयारी भइरहेको बागमती क्रिकेट संघका उपाध्यक्ष प्रेम क्षेत्रीले जानकारी दिनुभयो । कोभिडका कारण राम्ररी सञ्चालन हुन नसकेका संघलाई थप गति दिन एकेडेमीको रुपमा सञ्चालन गर्न लागेको उहाँले बताउनुभयो । मकवानपुरमा पनि राष्ट्रिय क्रिकेट खेलाडीको उत्पादन भइसकेको र अझ थप धेरै क्रिकेट खेलाडी उत्पादन गर्ने उद्देश्य एकेडेमी सञ्चालन गर्न लागेको उहाँको भनाई छ ।
एकेडेमीमा खेलाडीहरुलाई हेटौंडा–४ स्थित हुप्रचौरमा बिहान र बेलुका गरी दुई समयमा प्रशिक्षण गराइने उहाँले जानकारी दिनुभयो । खेलाडीहरुलाई पुर्व राष्ट्रिय खेलाडीहरु रामनरेश गिरी र रविन गुरुङले प्रशिक्षण गर्नुहुनेछ ।
