हेटौंडाः मुक्तक मञ्च मकवानपुरको आयोजनामा मंगलबार मुक्तक दिवस मनाइएको छ । मुक्तक दिवसको अवसरमा भर्चुअल माध्यमबाट मुक्तकारले मुक्तक वाचन गरेका थिए ।
मुक्तक मञ्च मकवानपुरका अध्यक्ष डीबी बर्तौलाको सभाध्यक्षतामा तथा अग्रज मुक्तकका हरिकृष्ण काफ्लेको प्रमुख आतिथ्यमा मुक्तक दिवसमो अवसरमा कार्यक्रम भएको हो । कार्यक्रममा मुक्तक मञ्चका केन्द्रीय अध्यक्ष रामजी आचार्य, केन्द्रीय सचिव श्रीराम अधिकारी गोर्जे, मकवानपुरका अग्रज साहित्यकार रमेशमोहन अधिकारी, मुक्तक मञ्च मकवानपुरका सल्लाहकारहरु दीपक गौतम र विश्वनाथ सन्जेल, मुक्तक मञ्च काठमाडौंका कोषाध्यक्ष किरण ढकाल, साहित्य संगम मकवानपुर तथा आँचल साहित्य कला पुञ्जकी अध्यक्ष अनिता न्यौपाने, गजल मञ्च मकवानपुरका अध्यक्ष देवराज तिवारी, नेपाली लेखक संघ मकवानपुरका अध्यक्ष छवि अनित्यको पनि सहभागिता रहेको थियो । हालै मात्रै मकवानपुरमा मुक्तक मञ्च गठन भएको हो ।
