हेटौंडाः हेटौंडा–१९, बस्तीपुरस्थित निर्मल माविमा छात्रावास निर्माण भएको छ । छात्रावास २ तले रहेको छ । छात्रावासमा ८ वटा कोठाहरु रहेका छन् । हेटौंडा उपमहानगरपालिकाको ४५ लाख रुपैयाँ बजेटमा छात्रावासको निर्माण भएको प्रधानाध्यापक प्रवोध विडारीले जानकारी दिनुभएको छ ।
हेटौंडा–१९ को ग्रामीण भेगका छात्राहरुका लागि छात्रावास निर्माण गरिएको प्रधानाध्यापक विडारीले जानकारी दिनुभएको छ । छात्रावास भवनको चालु शैक्षिकसत्रको अन्तिमसम्ममा उद्घाटन गरी आगामी शैक्षिक सत्रदेखि विद्यार्थीलाई राख्ने तयारी भइरहेको प्रधानाध्यापक विडारीले बताउनुभएको छ । उहाँका अनुसार छात्रावासमा एक सय जना विद्यार्थीलाई राख्न सकिनेछ । १२ कक्षासम्म पठनपाठन हुने विद्यालयमा एक हजार छ सय विद्यार्थी अध्ययनरत छन् ।
