हेटौंडाः नेकपा एमालेको जिल्ला अधिवेशन प्रतिनिधि छनोट शुक्रबार हुँदैछ । मकवानपुर जिल्लाका १०२ वटै वडामा जिल्ला अधिवेशन प्रतिनिधि छनोटको कार्य भइरहेको नेकपा एमाले मकवानपुर जिल्ला कमिटीका सदस्य नरेन्द्र भण्डारीले जानकारी दिनुभएको छ । नेकपा एमालेको मकवानपुर जिल्ला अधिवेशन यही पुस २३ र २४ गते हुँदैछ ।
जिल्ला अधिवेशनका लागि वडाबाट ४ सय १६ जना प्रतिनिधि छनोट हुने नेकपा एमाले मकवानपुरका सचिव एकालाल श्रेष्ठले जानकारी दिनुभएको छ । जिल्ला अधिवेशन आयोजक कमिटीका ३ सय ३८ जना स्वतः प्रतिनिधि हुने व्यवस्थाअनुसार जिल्ला अधिवेशनमा करिब ८ सय प्रतिनिधि हुने सचिव श्रेष्ठले बताउनुभएको छ ।
