हेटौंडाः मकवानपुरका स्थानीय तहहरुको आयोजनामा हेटौंडामा माघ १६ गतेदेखि सहीद स्मृति राष्ट्रिय फुटबल प्रतियोगिता हुने भएको छ । अखिल नेपाल फुटबल संघ (एन्फा) ले देशका विभन्नि ६ वटा प्रतियोगिताको तालिका बुधबार सार्वजनिक गर्ने क्रममा हेटौंडामा हुने सहीद स्मृति प्रतियोगिताको तालिका पनि सार्वजनिक गरेको हो ।
माघ १६ गतेबाट सुरु हुने प्रतियोगिता २६ गतेसम्म चल्नेछ । जिल्ला समन्वय समिति मकवानपुरको समन्वय, मकवानपुरका स्थानीय तहको आयोजना तथा मकवानपुर जिल्ला फुटबल संघको व्यवस्थापनमा प्रतियोेगिता आयोजना हुनेछ । प्रतियोगिता ए डिभिजन लिग खेल्ने टिमहरुको सहभागिता रहनेछ ।
एन्फाले पोखरामा हुने आहा रारा गोल्डकप माघ ६ गतेदेखि १५ गतेसम्म, बुटवलमा हुने तिलोत्तमा गोल्डकप र इटहरीमा हुने इटहरी गोल्डकप फागुन १४ गतेदेखि २१ गतेसम्म आयोेजना गर्ने तालिका सार्वजनिक गरेको छ । यस्तै एन्फाले पोखरा गोल्डकप फागुन १९ गतेदेखि २८ गतेसम्म र सिमरा गोल्डकप फागुन २६ गतेदेखि चैत ५ गतेसम्म आयोजनाका लाति मिति तोकिदिएको छ ।
