विद्युतीय राहदानीका लागि जिल्ला प्रशासन कार्यालय मकवानपुरमा फोटो खिचाउँदै एकजना सेवाग्राही ।

हेटौंडाः मकवानपुर जिल्लामा पनि विद्युतीय राहदानी वितरणको प्रक्रिया सुरु भएको छ । जिल्ला प्रशासन कार्यालय मकवानपुरले आइतबारदेखि विद्युतीय राहदानी वितरणका लागि प्रत्यक्ष दर्ताको कार्य सुरु गरेको छ ।

राहदानी विभागले काठमाडौंबाट मंसिर १ गतेदेखि नै विद्युतीय राहदानी जारी गर्ने कार्य सुरु गरेको थियो । विद्युतीय राहानीका लागि मकवानपुर जिल्ला छनौट गरी मिति र समय निश्चित गरेका सेवाग्राहीको प्रत्यक्ष दर्ताको कार्य सुरु गरेको जिल्ला प्रशासन कार्यालयले जनाएको छ । अहिले प्रारम्भिक चरणमा दैनिक १५ जनाको कोटा तोकी प्रत्यक्ष दर्ता गर्ने कार्य सुरु गरिएको छ । क्रमशः कोटा वृद्धि गरिँदै लगिने पनि प्रशासन कार्यालयले जनाएको छ ।

Facebook Notice for EU! You need to login to view and post FB Comments!