हेटौंडाः प्रहरीले मकवानपुरको विकट राक्सिराङको दुई वटा वडामा ३३ विगाहमा लगाइएको गाँजाखेती र १९ विगाहमा लगाइएको अफिम खेती फडानी गरी निष्ट गरेको छ । जिल्ला प्रहरी कार्यालय मकवानपुर र बागमती प्रदेश प्रहरी दंगा नियन्त्रण प्रहरी गणबाट संयुक्त खटिएका ६० जनाको प्रहरी टोलिले राक्सिराङ वडा नम्बर ४ र ५ को विभिन्न स्थानमा लागाइएको गाँजा तथा अफिम खेती फडानी गरेको हो ।
प्रहरीले आज राक्सिराङ ५ को धुर्सिङ, निबुटार र लाइसीराङ स्थितको वडा एरियाहरुमा लगाईएको ८ बिगाहा लागुऔषध गाँजा खेती फडानी गरी नष्ट गरेको छ । यस्तै सोही टोलीले पुस १ गतेबाट आजसम्म ३३ बिगाहामा लगाएको लागुऔषध गाँजा र १९ बिगाहामा लगाएको अफिम खेती फडानी गरी नष्ट गरेको जिल्ला प्रहरी कार्यालय मकवानपुरले जानकारी दिएको छ ।
