हेटौंडः मकवानपुरको मनहरी गाउँपालिकाको अधिवेशनबाट निर्वाचित नेकपा एमालेको गाउँ कमिटीलाई एमाले प्रचार प्रसार विभाग प्रमुख योगेश भट्टराईले आज सपथ खुवाउनुभएको छ । निर्वाचित एमाले मनहरीको अध्यक्ष नवीन सुवेदीसहितको ७५ जना सदस्यहरुले सपथ लिएका छन् ।
एमाले प्रचार विभाग प्रमुख भट्टराईले सपथ ग्रहण सँगै कार्यकर्तालाई प्रशिक्षण समेत गर्नुभएको छ । उहाँले माधव नेपालको समाजवादी पार्टी एक्लै चुनावमा उठे एक सिट पनि नजित्ने बताउनुभयो । भट्टराईले आउँदो चुनावमा एमाले एक्लै उठेर बहुमत ल्याउने दाबी गर्नुभएको छ ।
उहाँले नेपालमा एउटामात्र कम्युनिष्ट पार्टी रहने र त्यो नेकपा एमाले हुने ठोकुवा गर्नुभएको छ । उहाँले फरक प्रसंगमा यही मंसिर १०–१२ गतेसम्म चितवनमा हुने एमालेको १० औं राष्ट्रिय महाधिवेशनले सर्वसम्मत नेतृत्व चयन गर्ने बताउनुभएको छ ।
