हेटौंडाः मकवानपुरको मनहरी–६ मा जंगली हात्तीको आक्रमणमा परेर एक जनाको मृत्यु भएको छ । गएराति तीन जना घुम्न निस्कएका मध्ये एक जनाको मृत्यु भएको हो ।
मृत्यु हुनेमा सागर लामा रहेको जिल्ला प्रहरी कार्यालय मकवानपुरले जनाएको छ । जंगली हात्तीको आक्रमणमा परेर गएराति क्रिष्ण लामा घाइते भएका थिए । उनलाई उपचारको लागि भरतपुर लगिएको छ । एक जना भने सकुसल रहेको प्रहरीको भनाई छ ।
गएराति देखि सम्पर्क बिहीन भएको सागर लामाको खोजतलास गर्दा आज बिहान ७ बजेको समयमा मनहरी–६ खैरघारीमा शव फेला परेको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले बताउनुभयो । मृत्तकको जंगली हात्तीको आक्रमण बाट मृत्यु भएको हो वा अन्य पोष्र्टमार्टमको रिपोर्ट आएपछि थाहा हुने उहाँको भनाई छ ।
