हेटौंडाः असोज १० गते हेटौंडाको सुन व्यवसायी जितेन्द्र विश्वकर्मालाई अपहरण गरेको अभियोगमा पक्राउ परेका ४ जनालाई जिल्ला अदालत मकवानपुरले धरौटी रकम लिएर तारेखमा छोडेको छ । जिल्ला प्रहरी कार्यालय मकवानपुरले अपहरण गर्न प्रयोग भएको कार (ना २० च ८९६०) सहित विनोद लाल श्रेष्ठ, अनिल लामा, बुद्ध लामा र आदेश लामालाई पक्राउ गरेको थियो । उनीहरुलाई म्याद थप गरेर प्रहरीले अनुसन्धान गरिरहेको थियो ।
बुधबार अपहरण गरेको आरोपमा पक्राउ परेको विनोद लाल श्रेष्ठलाई १ लाख ५० हजार, अलिन लामा, बुद्ध लामा र आदेश लामालाई ५०/५० हजार धरौटी रकम लिएर तारिख छोड्ने न्यायाधीश कमलराज विष्टको एकल इजलासले आदेश गरेको थियो ।
बुधबार नै उनीहरु सबैले धरौटी रकम बुझाएर छुटेको जिल्ला अदालत मकवानपुरका श्रेस्तेदार तिर्थराज भट्टराईले जानकारी दिनुभयो ।
