हेटौंडाः हेटौंडा–२, मनकामनाचोकस्थित प्रतिफल बचत तथा ऋण सहकारी संस्था लिमिटेडको आयोजनामा सोमबार बिहान भएको रक्तदान कार्यक्रममा २३ जनाले रक्तदान गरेका छन् । सहकारीको वार्षिक साधारणसभाको अवसरमा सहकारीको कार्यालय परिसरमै रक्तदान कार्यक्रमको आयोजना गरिएको हो ।
रक्तदान कार्यक्रमका लागि रक्तसञ्चार केन्द्र हेटौंडाले प्राविधिक सहयोग गरेको थियो । केही दिनयता नियमित रक्तदान कार्यक्रम भइरहेकोले रगतको मौज्दात राम्रो रहेको रक्तसञ्चार केन्द्र हेटौंडाका प्राविधिक किशोर सापकोटाले जानकारी दिनुभएको छ । मंगलबार बिहान पनि हेटौंडाको बुद्धचोकमा रक्तदान कार्यक्रमको आयोजना हुने रक्तसञ्चार केन्द्र हेटौंडाले जनाएको छ ।
