हेटौंडाः मकवानपुुरको राक्सिराङ गाउँपालिका–८ मा १२ बर्षीय मनिता माया थिङलाई खोलाले बगाएको छ । खोलाले बगाएर उनको मृत्यु भएको जिल्ला प्रहरी कार्यालय मकवापनुरले जनाएको छ । मंगलबार साँढे १ बजेको समयमा राक्सिराङ–८ स्थित गिर्खे खोलाले बगाउँदा मनिताको मृत्यु भएको प्रहरीले जानकारी दिएको हो ।
खोलाले बगाएपछि मनिताको शव १ किलोमिटर तल फेला परेको थियो । जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले शव पोष्ट मार्टमका लागि हेटौंडा अस्पताल ल्याइदै गरेको जानकारी दिनुभयो ।
