हेटौंडाः कांग्रेस हेटौंडा उपमहानगरपालिकाको सभापतिको उम्मेदवार उत्सब इटेनीले आफ्नो जित सुनिश्चित रहेको बताउनुभएको छ । शुक्रबार हेटौंडामा पत्रकार सम्मेलन गर्दै इटेनीले शनिबार हुने कांग्रेस नगर अधिवेशनमा आफ्नो जित सुनिश्चित रहको बताउनुभएको हो ।
कांग्रेस हेटौंडाको सभापतिमा उम्मेदवारी दिनुभएको उत्सब इटेनीले आफ्नो टिम पनि सार्वजनिक गर्नुभएको छ । उहाँले उपाध्यक्षमा हेटौंडा १६ को वडाअध्यक्ष समेत रहेका रामकृष्ण कोइराला, डोल्मा स्याङ्बोलाई अघि बढाउनुभएको छ । यस्तै सचिवमा युवा पत्रकार तथा हेटौंडा १ का वडाअध्यक्ष समेत रहेका सविन न्यौपाने, हर्करत्न लामा, सहसचिवमा निगम श्रेष्ठ र विकास बानियाँलाई सार्वजनिक गर्नुभएको छ ।
सभापति पदको उम्मेदवारी घोषणा गर्नुभएको इटेनीले सदस्यहरुको पनि टुंगो लगाएका छैनन् । देउवा पक्षका निकट इटेनीलाई मकवानपुर कांग्रेस सभापति इन्द्र बानियाँको समर्थन रहेको छ ।
