हेटौंडाः सरकारले चाडपर्वको लक्षित गर्दै सञ्चालन गर्नेे सुपथ मुल्य पसल हेटौंडामा संचालनमा नआउने भएको छ । साल्ट्र ट्रेडिङ कर्पोरेशन लिमिटेड हेटौंडा शाखा कार्यालयले आफ्नो कार्यालयबाटै सुपथ मुल्यमा खाने नुन उपलब्ध गराउने भएको हो ।
सरकारले दशै, तिहार लक्षित गरेर सुपथ मुल्य पसल ३९ स्थानमा देशभर संचालन गरेपनि हेटौंडामा त्यस्तो पसल संचालनमा नआउने भएको हो । यसअघिका वर्षहरुमा हेटौंडा बजारमा सुपथ पसल संचालनमा आउने गरेको थियो । त्यहाँबाट नुन, चिनी, पिठो सुपथ मुल्यमा नागरिकलाई उपलब्ध हुँदै आएको थियो ।
यो पटक साल्ट्र ट्रेडिङ कर्पोरेशन हेटौंडा शाखाले खाने आयोडिन नुन प्रति केजी १८ रुपैयाँमा नागरिकलई उपलब्ध गराउने भएको साल्ट्र टेड्रिङ हेटौंडाका प्रमुख मोहन बरालले जानकारी दिनुभयो । कार्यालयले असोज १ गतेदेखि कात्तिक २४ गतेसम्म हेटौंडा–८ बाट सहुलियत मुल्यमा नुन बिक्रि गर्ने उहाँले बताउनुभयो ।
