हेटौंडाः मकवानपुर प्रहरीले ८१ किलो ३ सय ५० ग्राम लागुऔषध गाँजासहित १ जनालाई पक्राउ गरेको छ । पक्राउ पर्नेमा मनहरी गाउँपालिका–४ का ४२ बर्षीय ट्रक चालक बाबुराम नेगी रहेका छन् ।
प्रहरीले ना ८ ख ८२८४ नम्बरको ट्रकमा सुरक्षाजाँचको क्रममा ८१ किलो ३ सय ५० ग्राम गाँजा फेला परेको जिल्ला प्रहरी कार्यालय मकवानपुरका प्रवक्ता प्रहरी नायव उपरिक्षक जयश्वर रिमालले जानकारी दिनुभयो ।
इलाका प्रहरी कार्यालय मनहरीबाट खटिएको प्रहरी टोलीले बुधवार बिहान पानै ३ बजेको समयमा मनहरी गाउँपालिका–८ सिमपानीस्थित पुर्व–पश्चिम राजमार्गमा रोकिराखेको ट्रकलाई संकाको आधारमा खानतलासी गरेको उहाँले बताउनुभयो ।
डिएसपी रिमालका अनुसार पक्राउ परेका चालक बाबुरामसहित बरामद गरिएको गाँजा र ट्रकलाई नियन्त्रणमा लिई थप अनुसन्धान भईरहेको छ ।
