हेटौंडाः साढे ८ वर्षदेखी फरार रहेका एक जनालाई मकवानपुर प्रहरीले पक्राउ गरेको छ । अबैध सालको काठ ओसारपसारको मुद्धामा फरार रहेका एक जनालाई मंगलबार पक्राउ गरिएको जिल्ला प्रहरी कार्यालय मकवानपुरले जनाएको छ ।
पक्राउ पर्नेमा हेटौंडा–९ का ४१ वर्षीय राजकुमार थापा मगर रहेका छन् । जिल्ला अदालत हेटौडाले २०७० साल पुष २४ गते अबैध साल काठ ओसारपसार तथा बिक्रीबितरणको मुद्दामा थापालाई १ महिना १७ दिन कैद सजाय तोकेको थियो । त्यसपछि फरार रहेका उनलाईलाई जिल्ला प्रहरी कार्यालय मकवानपुरबाट खटीएको प्रहरी टोलीले साढे ८ वर्षपछि मंगलबार हेटौंडा–९ बाट नै पक्राउ गरेको जिल्ला प्रहरी कार्यालय मकवानपुरका निमित्त प्रवक्ता प्रहरी निरिक्षक देवेन्द्र दासले जानकारी दिनुभयो ।
पक्राउ परेका थापालाई आवस्यक कारवाहिको लागी जिल्ला अदालत मकवानपुरमा उपस्थित गराईएको र अदालतको निर्णय बमोजिम उक्त १ महिना १७ दिनको कैद भुक्तानको लागी कारागार कार्यालय भिमफेदी पठाईएको उहाँले बताउनुभयो ।
