हेटौंडाः बागमती प्रदेशको युवा परिष्दको उपाध्यक्षमा मकवानपुरका युवा सन्तोष चौलागाई नियुक्त हुनुभएको छ । मुख्यमन्त्री डोरमणि पौडेलले चौलागाईलाई युवा परिषद्को उपाध्यक्षमा नियुक्त गर्नुभएको हो । चौलागाईलाई शुक्रबार सामाजिक विकास मन्त्री सरस्वती बस्नेतले सपथ खुवाउनुभएको छ ।
बागमती प्रदेशको युवा परिषद्को उपाध्यक्षको लागि १६ जनाले आवेदन दिएका थिए । उनीहरुमध्ये सामाजिक विकास मन्त्रालयले ६ जनालाई अन्र्तवार्ताको लागि छनौट गरेको थियो । जसमा मकवानपुरका सन्तोष चौलागाई छनौट भएका हुन् । प्रदेश युवा परिषद्को अध्यक्ष सामाजिक विकास मन्त्री हुने व्यवस्था रहेको छ । प्रदेश परिषद् ऐन बनाएको २ वर्षपछि मात्रै सरकारले उपाध्यक्ष नियुक्त गरेको हो ।
