हेटौंडाः चिकित्सा शिक्षा आयोगले आगामी शैक्षिक सत्रको लागि मदन भण्डारी स्वास्थ्य विज्ञान प्रतिष्ठान बागमती प्रदेशलाई ८० सिट निर्धारण गरेको छ । आयोगले प्रतिष्ठानलाई पहिलो पटक स्नातक तहको कलेजको अनुमित दिएको छ । आयोगले निर्धारण गरेको सिटमा बिपिएचमा २०, बिफार्मा ३० र बिएस्सी एमएलटीमा ३० सिट तोकेको छ ।
मदन भण्डारी स्वास्थ्य विज्ञान प्रतिष्ठानले चालू वर्षमा तीन शैक्षिक कार्यक्रम संञ्चालन गर्ने प्रतिष्ठानका रजिष्ट्रार राजेश प्रसाईले बताउनुभयो । उहाँका अनुसार आगामी वर्षदेखि थप शैक्षिक कार्यक्रमका साथै एमबीबीएस पनि पढाई हुनेछ ।
मदन भण्डारी स्वास्थ्य विज्ञान प्रतिष्ठानमा सिट तोकिएकाहरुले ७५ प्रतिशत छात्रवृत्तिमा पढ्न पाउँनेछन् । स्नातकतहको शैक्षिक कार्यक्रम हेटौंडा–११ को नलेज भिलेजमा संचालन हुनेछ भने थप शैक्षिक कार्यक्रमको लागि हेटौंडाको गौरिटारमा भवनको भौतिक संरचना निर्माण भइरहेको छ ।
