हेटौंडाः बागमती प्रदेश सभाको आज बसेको बजेट अधिवेशनको पहिलो बैठक सकिएको छ । दोलखाबाट प्रदेश सभामा निर्वाचित सांसद पशुपति चौलागाइर्एको निधनको शोक प्रस्ताव पारित गरेसँगै बैठक सकिएको हो । सभामुख सानुकुमार श्रेष्ठले प्रदेश प्रमुख विष्णु प्रसाई प्रसाई अधिवेशन आह्वन र मन्त्रीमण्डल पुनर्गनठनबारे पठाएको पत्र पढेर सुनाउनुभएको थियो ।
बैठकको कार्यसुचि अनुसार अधिवेशनको शुभकामना मन्तब्य दलका नेताहरुले दिने भनिएपनि संसदमा विरोध हुने अवस्था देखिएसँगै शुभकामना मन्तब्य नराखि बैठक अन्त्य भएको होे ।
यो बैठकमा प्रदेश सांसदहरुलाई एकै स्थानमा राखिएको थिएन । विभिन्न समितिहरुको हलमा समेत सांसदहरुलाई राखिएको थियो । कोभिडको जोखिमका कारण सांसदहरुलाई एक मिटरको दुरीमा बस्ने व्यवस्थापन गरिएको थियो । बैठक सुरु हुनुअघि सांसद, प्रदेश सभा सचिवालयका कर्मचारी, सुरक्षाकर्मी र संचारकर्मीसहित १६६ जनाको ऐन्टिजेन परीक्षण गरिएको थियो । जसमा एक मकवानपुरका पत्रकारमा कोरोना पुष्टि भएको थियो ।
