हेटौंडाः राष्ट्रिय सभा सदस्यको लागि आज हेटौंडामा बिहान ९ बजेबाट सुरु भएको मतदान जारी छ । बागमती प्रदेशबाट ३ जनाले चुनावमा प्रतिस्पर्धा गरिरहेका छन् ।
नेकपा एमालेबाट बहालवाला गृहमन्त्री रामबहादुर थापा, एमालेका तर स्वतन्त्रबाट उठेका डा. खिमलाल देवकोटा र नेमकिपाका कृष्ण बहादुर तामाङ छन् ।
अहिले भइरहेको मतदानको मतपरिणाम आजै बेलुका ७ बजेसम्म आउँने निर्वाचन प्रमुख डिल्लीरत्न श्रेष्ठले बताउनुभएको छ । आज दिउँसो ३ बजेसम्म मतदान गर्ने समयअवधि छ । साँझ ५ बजेबाट मतदान स्थल रहेको भुटनदेवी माविमै मतपरिणाम गणना हुनेछ । बागमती प्रदेशबाट राष्ट्रिय सभामा प्रतिनिधित्व गर्ने विजयी सदस्य को हुुन्छन् भन्ने अहिले चासोको विषय बनेको छ ।
