हेटौंडाः मदन भण्डारी स्वास्थ्य विज्ञान प्रतिष्ठानको अन्तर्गतको हेटौंडा अस्पतालमा शुक्रबारबाट फिबर क्लिनिक संचालनमा आएको छ । जिल्लामा कोभिड–१९ को संक्रमितको संख्या बढेसँगै अस्पतालले फिबर क्लिनिक संचालनमा ल्याएको हो । मकवानपुर जिल्लामा आजसम्म ३ सय २५ सक्रिय संक्रमित छन् ।
अब अस्पतालमा आउने सेवाग्राहीहरुले सुरुमा फिबर क्लिनीकमा जाँच गराएरमात्रै अन्य सेवा पाउँने प्रतिष्ठानका रजिष्ट्रार राजेश प्रसाईले बताउनुभयो ।
आज प्रदेशका मुख्यमन्त्री डोरमणि पौडेलले अस्पतालको ज्वरो क्लिनीकको अवलोकन समेत गर्नुभएको छ । आजबाट हेटौंडा अस्पतालमा कोभिड–१९ बिरामीको उपचार गर्न २० एचडियू बेडको संचालनमा आएको छ ।
