हेटौंडाः सर्लाही जिल्लामा सोमबार सम्पन्न पाँचौ राजर्षि जनक कप फुटबल प्रतियोगिताको उपाधि हेटौंडाको पिप्ले युवा क्लबले जितेको छ । सडेनडेथमा आयोजक बागमती नगरपालिकालाई पराजित गर्दै हेटौंडाको पिप्ले युवा क्लबले पाँचौ राजर्षी जनक कप रनिङशिल्ड प्रतियोगिताको उपाधि जितेको हो ।
क्लबका नियमित कप्तान अमिर श्रेष्ठ बिना नै मैदान प्रवेश गरेको पिप्लेले निर्धारित समय ३-३ गोलको बराबरी खेलेको थियो । टाइब्रेकरमा पनि ४-४ गोलको बराबरी भएपछि खेल सडेन डेथमा धकेलिएको थियो । उपाधिसँगै पिप्लेले १० लाख १ हजार रुपैयाँ राशिको पुरस्कार हात पारेको छ ।
