हेटौंडाः हेटौंडा उपमहानगरपालिकाकोे वडा नम्बर ५ स्तरीय एक दिवसीय ब्याडमिन्टन प्रतियोगिता सम्पन्न भएको छ । प्रतियोगिता रत्न युवा क्लबका अध्यक्षता तथा बालज्योति माविका प्रधानाध्यपक भरत प्रसाद अर्यालको प्रमुख आतिथ्यमा भएको हो ।
रत्नकाली युवा क्लबको आयोजनामा हेटौंडा–५ स्थित बालज्योति माविको कभर्ड हलमा शनिबार भएको प्रतियोगितामा राजकुमार राई र खेमराज राई प्रथम भए । प्रथम भएसँगै दुबैले नगद १२ हजार रुपैयाँ प्राप्त गरेका छन् । यस्तै मनोज राई र मनराज राई द्वितीय भए भने सन्तोष बुढाथोकी र नरेन्द्र मोक्तान तृतीय भएर क्रमशः ६ हजार र २ हजार रुपैयाँ प्राप्त गरे ।
प्रतियोगितामा ३० टिमकोे सहभागिता रहेको थियो । प्रतियोगिता रत्नकाली युवा क्लबका अध्यक्ष दिनेश राइले १० हजार सहयोग गर्नुभएको थियोे । यस्तै सिजन स्पोर्टस् सप्लायर्सका प्रोप्राइटर नवराज राईले प्रतियोगिताको पुरस्कारको सौजन्य गर्नुभएको होे ।
