हेटौंडाः हेटौँडामा जारी स्थानीय तह सहिद स्मृति गोल्डकप अन्तराष्ट्रिय फुटबल प्रतियोगितामा आज अन्तराष्ट्रिय क्लब अफ्रिकन रुट्स एसोसिएसन (अरास) डुवल क्यामरुन र बागमती युवा क्लब सर्लाहीबिच सेमिफाइनल प्रवेशका लागि भिडन्त हुनेछ ।
सहिद स्मृति गोल्डकप फुटबल प्रतियोगितामा हिजो मच्छिन्द्रको जितसँगै ३ वटा टिम सेमिफाइनल प्रवेश गरेको छ । मकवानपुर–११, नेपाल आर्मी क्लब यसअघि नै सेमिफाइनल प्रवेश गरिसकेका छन् । प्रतियोगितामा भोलिबाट सेमिफाइनलका खेलहरु सुरु हुनेछ । फाइनल खेल चैत्र ७ गते हुनेछ ।
