हेटौंडाः अवैध लागूऔषध गाँजासहित बारा प्रहरीले एकजनालाई पक्राउ गरेको छ । प्रहरीले मंगलबार राति ४५ किलोग्राम अबैध लागूऔषध गाँजासहित बारागढी गाउँपालिका वडा नम्बर ४, पोखरिया टोल बस्ने ५० वर्षीय बाबुलाल चौधरीलाई पक्राउ गरेको हो ।
बारा जिल्लाको पचरैँता नगरपालिका वडा नम्बर ८ को बाजोपट्टी कुलोमा चार जना व्यक्तिहरुले जुटको बोरा पिठ्यूँमा बोकेर हिँडिरहेको अवस्थामा प्रहरी बेसक्याम्प लंगडा चोकबाट खटिएको प्रहरी टोलीलाई देखेर भाग्नेक्रममा चौधरी पक्राउ परेको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले जानकारी दिनुभयो । चौधरीलाई जिल्ला अदालत बाराबाट म्याद थपको अनुमति लिई आवश्यक अनुसन्धान तथा फरार रहेका संग्लन थप व्यक्तिहरुको खोजी भइरहेको प्रवक्ता मिश्रले बताउनुभयो ।
