हेटौंडाः हेटौंडामा जारी मेयरकप फुटबलमा आज आइतबार दुई खेल हुँदैछ । हुप्रचौरमा हुने पहिलो खेल वडा नम्बर २ र वडा नम्बर ४ बीच हुनेछ भने दोस्रो खेल वडा नम्बर ३ र वडा नम्बर ७ बीच हुनेछ ।
यसअघि हिजो शनिबार भएको खेलमा ९ र १९ नम्बर वडा विजयी भएको छ । ९ नम्बर वडाले १७ नम्बरलाई सडनडेथमा पराजित गरेको हो भने वडा नम्बर १९ ले वडा नम्बर १६ लाई १–० गोलअन्तरले पराजित गरेको हो । यही फागुन २४ गतेसम्म हुने प्रतियोगिताको विजेता हुने टिमले नगद २ लाख रुपैयाँ र उपविजेता हुने टिमले नगद १ लाखसहित शिल्ड, मेडल तथा प्रमाणपत्र प्राप्त गर्नेछन् ।
