हेटौंडाः सञ्जीवनी बचत तथा ऋण सहकारी संस्थाको आयोजनामा हेटौंडा उपमहानगरपालिका वडा नम्बर ५ मा भलिबल प्रतियोगिता हुने भएको छ । आगामी शुक्रबार र शनिबार प्रतियोगिता हुनेछ ।
यही फागुन १९ गतेदेखि आयोजना हुने मेयरकप भलिबल प्रतियोगितामा सहभागी हुन वडाको टिम बनाउने उद्देश्यले प्रतियोगिता आयोजना गर्न लागेको हो । पिप्ले युवा क्लबको संयोजनमा प्रतियोगिता हुन लागेको हो । विद्यालय, टोल विकास संस्था र विभिन्न क्लबहरुको सहभागिता रहने पिप्ले युवा क्लबका सुशील घिमिरेले जानकारी दिनुभएको छ । पिप्ले युवा क्लबले गत वर्ष पनि वडास्तरीय प्रतियोगिताको आयोजना गरेर वडा टिम बनाएको थियो ।
