हेटौंडाः हेटौंडा–५, पिप्लेस्थित हेटौंडा सिटी कलेजले प्रजातन्त्र दिवसको अवसरमा अयोजना गरेको अनलाइन हाजिरी जवाफ प्रतियोगिता सम्पन्न भएको छ । प्रतियोगितामा सरोज तिमल्सिना, विकास लाल र रोहित लिम्बुको समूह विजयी भएको थियो । विजेताले छात्रवृत्तिसहित नगद १५ हजार पनि प्राप्त गरेका छन् ।
कलेजका बीएस्सी सीएसआईटी, बीसीए, एमएसस्सी र एमबीएमा अध्ययनरत विद्यार्थीहरुको ८ वटा समूहबीच प्रतिस्पर्धा भएको हो । कलेजमा सातौं सेमेष्टरमा अध्ययनरत विद्यार्थी पवन वाइवा, सञ्जय खत्री, जेनेस भगतले विकास गरेका सफ्टवेयरबाट प्रतियोगिता गरिएको कलेजका आइटी विभाग प्रमुख सरोज पौडेलले जानकारी दिनुभएको छ ।
