हेटौंडाः राष्ट्रिय प्रजातन्त्र दिवसको अवसरमा हेटौंडा सिटी कलेजमा अनलाइन क्वीज प्रतियोगिता हुने भएको छ । आज शुक्रबार कलेजमा विभिन्न विषय अध्ययन गरिरहेका विद्यार्थीबीच क्वीज प्रतियोगिता हुने भएको हो ।
प्रतियोगितामा बीएस्सी सीएसआइटी, बीसीए, एमसीए र एमबीए अध्ययनरत विद्यार्थीहरुको ८ वटा समूह सहभागी हुने कलेजका आइटी प्रमुख सरोज पौडेलले जानकारी दिनुभयो । अनलाइन क्वीजका लागि कलेजमा सातौं सेमेस्टरमा अध्ययनरत विद्यार्थी पवन वाइवा, सञ्जय खत्री र जेनेस भगतले सफ्टवेयर विकास गरेका हुन् । प्रतियोगिता विजेतालाई कलेजले छात्रवृत्तिको व्यवस्था गर्ने आइटी प्रमुख पौडेलले बताउनुभयो ।
