हेटौंडाः जेसीआई हेटौंडा लेडीले नयाँ सदस्यका लागि परिचयात्मक प्रशिक्षण कार्यक्रमको आयोजना गरेको छ । शनिबार हेटौंडामा आयोजित तालिममा नेपाल जेसीजका पूर्वअध्यक्ष डा. दीपक शाक्यले सहजीकरण गर्नुभएको थियो ।
प्रतिमा श्रेष्ठको नेतृत्वमा जेसीआई हेटौंडा लेडीले पदस्थापना गरेपछि पहिलो कार्यक्रमको रुपमा परिचयात्मक कार्यक्रमको आयोजना गरिएको कार्यकारिणी उपाध्यक्ष दिलमाया घर्तीले जानकारी दिनुभएको छ । उपाध्यक्ष श्रुती राई बस्नेतको संयोजकत्वमा परिचयात्मक तालिम कार्यक्रम भएको हो ।
तालिममा जेसीजको परिचय, जेसीजमा आवद्ध हुँदै गर्दा सदस्यको भूमिका र सदस्यले हासिल गर्ने नेतृत्व एवम् व्यक्तित्व विकासका अवसरहरु, नयाँ सदस्यको भूमिकाका बारेमा जानकारी गराइएको थियो । तालिमको उद्घाटन कार्यक्रममा जेसीआई हेटौंडा लेडीकी प्रमुख सल्लाहकार रश्मि बस्नेत, बोर्ड सल्लाहकार निलम पाण्डे, निवर्तमान अध्यक्ष सुशीला पौडेल र अध्यक्ष प्रतिमा श्रेष्ठको पनि उपस्थिति रहेको थियो ।
