हेटौंडाः जेसीआई बस्तीपुरको अध्यक्षमा राजेश भेटवाल निर्वाचित हुनुभएको छ । शनिबार भएको निर्वाचन कार्यक्रमबाट भेटवाल निर्वाचित हुनुभएको हो । भेटवालले ६० मत प्राप्त गरी निर्वाचित हुँदा अर्का आकांक्षी प्रकाश थोकर ३८ मतसहित पराजित हुनुभयो ।
यस्तै कार्यकारिणी उपाध्यक्षमा आकाश पाठक (८५ मत) र तेज उप्रेती ‘रमेश’ (६६ मत) विजयी हुनुभएको छ । कार्यकारिणी उपाध्यक्षका आकांक्षी विजय पौडेल ४३ मतसहित पराजित हुनुभयो । जेसीआई बस्तीपुरको उपाध्यक्षमा भने रामचन्द्र दाहाल, कृष्ण ढकाल, शंकर नेपाल र महेन्द्र राना सर्वसम्मत निर्वाचित हुनुभएको छ । जेसीआई बस्तीपुरका एक सय सदस्य मध्ये ९९ जनाले मतदान गरेको जेसीआई बस्तीपुरका पूर्वअध्यक्ष सुनिल अधिकारीले जानकारी दिनुभएको छ ।
