हेटौंडाः मनहरी गाउँपालिका वडा नम्बर ७ स्थित मनहरी खोलाको बगरबाट ५ किलो लागूऔषध गाँजासहित बुधबार राक्सिराङ ९ का २८ वर्षीय बुद्धिमान तामाङ पक्राउ परेका छन् ।
ईलाका प्रहरी कार्यालय मनहरीबाट खटेको प्रहरीको टोलीले शंकास्पद अवस्थामा बगरमा हिँडिरहेको बुद्धिमान तामाङले बोकेको झोला खानतलाशी गर्दा ५ किलो लागूऔषध गाँजा फेला पारेको थियो । गाँजासहित उनलाई नियन्त्रणमा लिएर थप अनुसन्धान भइरहेको ईलाका प्रहरी कार्यालय मनहरीका प्रहरी निरीक्षक विनोद श्रेष्ठले जानकारी दिनुभयो ।
