हेटौंडाः ‘के खानु कसम’ बोलको म्युजिक भिडियो सोमबार हेटौंडामा सार्वजनिक भएको छ । हेटौंडामा पत्रकार सम्मेलन गरेर म्युजिक भिडियो सार्वजनिक गरिएको हो । भिडियोलाई युट्युबमा राखिएको छ ।
एक लाख रुपैयाँ लगानीमा चितवनमा छायांकन गरिएको म्युजिक भिडियोमा मकवानपुरको मनहरी गाउँपालिकाका सगुन लामाले मोडलिङ गर्नुभएको छ । विशाल कालताङको शब्द तथा स्वर रहेको म्युजिक भिडियोमा मकवानपुरका कलाकारले मोडलिङ गरेको निर्देशक सुमित लामाले बताउनुभयो । भिडियोलाई द मिरर युनिटले निर्माण गरेको हो । पत्रकार सम्मेलनमा पत्रकार महासंघ मकवानपुरका अध्यक्ष हरि हुमागाईं, उपाध्यक्ष सरिता दाहाल, जिल्ला खेलकुद विकास समिति मकवानपुरका अध्यक्ष सानु लामालगायतको उपस्थिति रहेको थियो ।
